Erfalasorput qulaarneqassaaq
Siumut isumaqarpoq naalakkersuisut akisussaaffigigaat namminersorlutik oqartussani erfalasutta qulaarneqarnissaa
- Naalakkersuisut qulakkeerlugulu sulissutigerusuppaat Erfalasutta pisortatigoortumik illersorneqarnissaa?
- Naalakkersuisut qularnaarusuppaat erfalasorput atornissaalu pillugit paasissutissiinissaq namminersorlutik oqartussat akisussaaffigissagaa?
- Naalakkersuisut qularnaarusuppaat qaqugukkulluunniit Erfalasorput pisortat susassaqarfigigaat?
Taama Siumup siulittaasua Aleqa Hammond naalakkersuisunut apeqquteqarpoq.
- Pisortatigoortumik Erfalasorput katersuuffigaarput, inuiattullu ataatsimoorluta pigalutigu.
- Taamaakkaluartoq peqatigiiffik Erfalasorput tassaavoq erfalasup qanoq ilisukkut atornissaannut aalajangersaasuuvoq. Aamma peqatigiiffiup isumagisarai paasissutissiinerit, aamma aningaasartaannik isumaginnittussalluni, Aleqa Hammond Erfalasorput 1985-mi siullermik amoqqaarneqartoq Thue Christiansenimillu pilersinneqarpoq pillugu apeqquteqarnermini tunngavilersuivoq.
- JIsumaqarpunga inuiattut attaveqaatigigipput, ataatsimoorluta inuiattut pigalutilu, nunatsinnilu pisortatigoortumik akisussaaffigineqartussaq, tassalu namminersorlutik oqartussanit.