Inissiap akitsorneranik uparuaat Inimit akineqartoq
Inissiaatileqatigiiffik akissuteqarpoq, inimik attartornerup 35 procentimik akitsornera uparuaassutaareersoq
Issatsiaq inimik attartortoq Niels Christian Andersen, Nuuk, Sermitsiaq.AG aqqutigalugu saqqummerpoq, tupigusulluni qanoq isilluni inissiaq pingasunik initalimmik attartorneq 35 procentimik qaffanneqarsinnaanersoq - pingaartumik INI'p akiliutip qaffanneqarnissaannik kalerrisaarinera eqqarsaatigissagaanni.
Maanna inissiaatileqatigiiffik INI akissuteqarpoq:
- Init nammineq pigisat pillugit INI allaffissornermik ingerlatsinngilaq, taama suliaq allaffissornermik ingerlatsisunut allanut ingerlateqqinnikuummat. Suliap allamut tunniunneranut atatillugu INI, Ineqarnermut, Attaveqarnermut, Angallannermullu pisortaqarfimit piumasaqarfigineqarpoq, ininut nammineq pigineqalersussanut akiliutaasussat naatsorsorneqaqqullugit kiisalu attartornermut akiliummik qaffaanissamik kalerreeqqullugit.
- Tamatuma saniatigut INI'p init nammineq pigisat allaffissornertai ingerlanneqarnerilu susassaqarfiginngilaat, INI nassuiaavoq.
Ini'p paasissutissat kukkuneqarneri nassuerutigaa
Namminersorlutik Oqartussat Ineqarnermut allaffeqarfia Sermitsiaq.AG'mut mailimik allakkakkut ilisimatitsivoq; 2012'imut ineqarnermut akiliutissap kisinneqarnerani kukkusoqarsimasoq, nalinginnaasumik attartortut sinneruttut 30-t sinnilaartut paasissutissanik kukkusunik nassinneqarsimasut, 2012 januaarip aallaqqaataanit inimut akiliutip qaffanneqarneranut tunngatillugu. Tamanna soorunami ajuusaarutigaarput, kukkunerlu iluarsineqareerpoq.
Inip Niels Christian Andersenimut akissutaa tamakkiisoq danskisut uani atuarsinnaavat.