KNB'p Elitesport tapersersorunnaarpaa
Ukiuni qulini Elite Sport Greenlandimik tapersersuereerluni Kalaallit Nunaanni Brugsenip aalajangiuppaa tassunga aningaasaliisarnini unitsinniarlugit aningaasalersortakkanillu allanngortinniarlugit
KNB'mi pisortap Susanne Christensenip nalunaarutigaa Elite Sport Greenlandimik suleqateqarneq pitsaasimasoq aammalu tamarmik suleqatigiinneq naammagisimaarsimagitsik.
2011'mi KNB'mi inuiaqatigiinnut akisussaaqataanermut atatillugu pilersaarusiorput immikkoortunut pingasunut immikkut isiginiagassanut agguataakkaminnik: peqqinnissaq, avatangiisit aammalu nunatta isumalluutai.
- Siunissami aningaasaliffigisassatsimi tamanna erserumaartoq, Susanne Christensen oqarpoq.
Lauritz Heilmann, Elite Sport Greenland KNB-ip peqataasimaneranut qujassuteqarpoq, ukiut qulit ukiut tamaasa 125.000 kroninik aningaasaliineranik malitseqarsimasoq
Susanne Christensen tassunga atatillugu oqarpoq, timersullammaat ikorfartorlugit suliniarnermi nutaanik ilannguttoqarpat tamanna iluaqutaassasoq.
- Uagut isumaqarpugut, Elite Sport Greenland nukittorsarneqassasoq. immikkullu timersornermik piginnaaneqartut ineriartortittuassagassi neriuppugut, inuusuttunut nunatsinnullu tamanna iluaqutaassammat, Susanne Christensen oqarpoq.
Elite Sport Greenlandimi siulittaasoq Finn Meinel akissuteqarami oqarpoq, ESG ulluni makkunani nutarterisoq, nutaanillu aningaasaliisussanik ujarlertuartoq.
Timersullaqqissut immikkullu piginnaaneqartut ESG-ip tapersersorpai ilaatigut nunatsinni tusaamasat håndbold-ertartut nunarsuaq tamakkerlugu pissartanngorniunnerni nunanilu tamani unamminerni pingaarutilinni peqataasartut.
Susanne Christensen, januaarip aallaqqaataa KNB'mi pisortaanertut ivertinneqarpoq.