Aningaasanik pissallit susaarnaveeqqutisissapput
Umiarsuaatillip ilaatigut Nunatsinni angallataatillip, 100 koruuninik pissaqartitsiguni 5 koruuniinnaat tunniussinnaassagunarpai
Svendborgimi eqqartuussiviup akiliisinnaajunnaarnermik suliaq umiarsuaatilimmut Rudkøpingimeersumut tunngasoq naammassingajalerpaa. Umiarsuaatilik Nunatsinni aalisariutinik sammisaqarnikuuvoq. Tassaalluni umiarsuaatilik Allan Idd Jensen, aningaasaliisuminut 4,7 procentiinnarnik tunniussisinnaasoq. Imaluunniit 100 koruuninik akiitsoqaruni 5 koruunit kisiat tunniussinnaavai.
Taama nalunaarpoq transportnyhederne.dk.
Umiarsuaatillip Allan Idd Jensenip, Eqqartuussivimmi Havnepladsen Rudkøbing akiliisinnaajunnaarneranut suliaq januaarip 26'anni nal. 12.00 suliarineqassaaq.
Svendborgimi eqqartuussivimmi akiliisinnaajunnaarnermut suliami naatsorsuutigineqarpoq naatsorsuutit inerneri ingerlateqqitassallu 4,6952 procentinngorlugit tunniussuunneqarnissaat.
Akiligassat piumasaqaatillu allat naatsorsuutit inaarnerisa kingorna tunniunneqarsinnaasut suliamik inaarinermi ilanngunneqarnavianngillat. Aningaasat pissaqartitanut agguaassassat suliap inaarnerata kingorna sapaatit akunneri sisamat qaangiuppata tunniunneqassapput, suliaq ingerlateqqinneqartussanngortinneqanngippat.
Umiarsuat ilagaat NATSEQ, Arctic Greenfood, taanna Maniitsumi tigummineqarpoq. Umiarsuit allat arfineq-marluk Danmarkimi tigummineqarput.