- Ai, naak aningaasarsiassakka?
Grænkenlandimi aningaasakilliorneq kisimi malunnanngilaq. Danmarkimi ullaaq manna aningaasarsisussaagaluit aningaasarsinngitsoormata paatsiveerunneqalerpoq. Maannakkulli aningaasat ikineqarsimalerput
Tallimanngornermi ullaakkut danskerpassuit tupaallatsinneqarujussuarput, Ilinniartut tapisiaat, utoqqalinersiutit aamma inunnut ikiorsissutigisartakkat aningaaserivinnut ikisimanersut paasiniaasoqalermat. Amerlasoorpassuimmi aningaasarsiassaat ikineqanngitsoorsimapput.
Kukkuneq tallimanngornermi ullup qeqqata siorna iluarsineqarpoq, paasineqarmat aningaaseriviit kisitsinerlussimaneri pissutigalugu aningaasassaagaluit ikineqanngitsoorsimasut. - Ukioq manna aningaaserivinni ulloq kingulleq naatsorsuinermi atorneqartussaq tallimanngorneruvoq, ukiortaamilu aningaaserivimmi ulloq siulleq ataasinngorpaasussaavoq, ullut taakku nalinginnaasumik aningaaserivinnit oorit anialluarfigisarpaat. Sulisut naatsorsuutigisimanngilaat tallimanngornerup unnuaata ingerlanerani aningaasat taama amerlatigisut kaaviiaartinneqarnissaat. Taamannalu ukiup nikinneranik eqqueriarmat aningaasat ingerlarngisa piffissaat equsoorsimalluni, Klaus Jensen, Finansrådetimi pisortaq Ritzau Finansimut nassuiaavoq.
Finansrådimi kukkuneq sumit tunngaveqarnersoq ilisimaneqanngilaq. Taamaattoortoqartarnerali akuttuvoq.
- Tamatuma nassataanik inuit aningaaserivinniittussaagaluit ikinngitsoorsimapput, tamannali aaqqinneqareerpoq, pisortaq oqarpoq.