Eqqugassat ikilisimasut ingerlaqqipput
Pingasunngornermi Lottornermi 157 million koruunit eqqorneqanngillat, tullianilu pingasunngornermut 142 million koruunit eqqugassaapput
Naak qallunaat 2 million missaaniittut eqquiniaaqataagaluartut eqqugassapiluunersuit 157 million koruunit pingasunngormat eqqorneqanngillaq. Taamaattorli eqquisoqalaarpoq.
Qallunaat marluk svenskerlu ataaseq unnuk taanna eqquipput kisitsisit arfinillit eqqoramikkik, taamaalillutik eqqugassaq anneq eqqorlugu tassalu 11.836.797 koruunit.
Supertalili sapaatip akunnerani 19-imili atorneqarsimanngitsoq suli aamma eqqorneqanngilaq.
Taamaalilluni tulliani pingasunngornermut eqqugassat Superpuljemi 132 million koruuniupput 10 million koruunillu eqquisumut, tassalu tatillugit 142 million koruunit.
Eqqugassat 157 millionit uani pingasunngornermi eqquisumut marloriaammik jackpotimik imaqarput 32 milliuuniusunik Superpuljenilu 125 millioniulluni.
Marloriaammik jackpot tulliani pingasunngornermut ingerlaqqinngilaq, tamannalu peqqutigalugu eqqugassat ikililaarsimapput.
Maannammut Danmarki eqqukkat amerlanerpaat tassaapput 38,5 million koruunit marsimi 2008-mi eqqorneqartut Københavnimi ilaqutariinnit.
Kisitsisit eqquisut tassaapput 4-14-30-40-44-45. Kisitsisit ilassutit: 15-39 Supertalilu: 48.