Minister: Hindbærit qerisut qalassigik
Inuussutissanut ministereqarfimmit hindbærit qerisut passunnissaannut maleruagassat sukaterniarneqarput nappaalaneq pinaveersaarniarlugu
Nerisarfinni, caféni nunamilu tamarmi igaffinni sulisut hindbærinik qerisunik qalaasseqqaartariaqarput smoothiinut imaluunniit kinguleqqiutinut atortinnagit.
Inuussutissalerinermut ministerip Mette Gjerskov (S) piumasarilerniarpaa paarnat qeritsivimmiit toqqaannartumik sassaalliutigineqassanngitsut. Taama allappoq Morgenavisen Jyllands-Posten.
- Inuit inuussutissamit ataasiinnarmit nappaalanersuat akuersaarneqarsinnaanngilaq. Allaammi toqussutigineqarsinnaavoq, taamaattumik ersarissumik oqariartuuteqassaanga avaqqunneqarsinnaanngitsumik, Mette Gjerskov Jyllands-Postenimut oqarpoq.
Paarnat nunanit allaneersut toqunartullit peqqutigalugit nappaalanerpassuit qaangerniarlugit ministerip malerugassat sukaterusuppaai, maannammut paarnat kissaqqaarneqartarnissaannik innersuussineq piumasaqaatinngortinneqarluni.
Piffissap ingerlanerani qallunaarpassuit nappaalersarput hindbærinik qerisunik nerinertik peqqutigalugu.
2010-mi kvartalimi kingullermi 2011-milu aqqaneq marloriarluni nappaalasoqarsimavoq inuit katillugit 275-it napparsimalerlutik, taakkunanilu 261-it hindbærinit Serbiameersunik peqquteqarlutik.
Tunisassiortut eqqussisullu akisussaaffigaat jindbærit ajunngitsuunissaat, sulili hindbærinik ajoquteqartunik eqqussisoqartarmat sukaterisoqartariaqarpoq, Mette Gjerskov isumaqarpoq.