Juullip kingorna unammiuaarneq
Assammik arsarluni juullikkunni unammiuaarneq ileqqunngortoq - Brugsens Julecup - marlunngornermi unnukkut nanginneqassaaq
Juullimi puallartoqarsimaneranik paasiniaaneq allartilerpoq. Juullisiorneq naammassilluinnalerpoq oqimaallivallaarsimaneq nerivallaarsimanerlu qanoq sunniuteqarsimassanerput. Aqagu unnukkut arsartartut ulluinnarni Danmarkimi najugallit unammiuaarnermi ingerlasumi perngaamik unammeqataasapput. Unammisussat imminnut QNA'mik taasimapput, arnani angutinilu - taakkua GSS'imut unammissapput. GSS unamminermi siullermi NÛK arnartai aamma angutitai ajugaaffigaat.
Unamminissaq aqagu marlunngornermi Inussivimmi ingerlanneqassapput unamminissarlu siulleq nal. 19.00 aallartissaaq. Arnat unammeqqaassapput angutillu nal. 20.30 aallatissallutik.
Pingasunngornermi unammiuaarneq ingerlaqqissaaq, QNA arnartaat angutitaallu NÛK'mut unammissallutik. Pingasunngornermi unamminerit nal. 19.00 aamma 20.30 ingerlanneqassapput. Sisamanngornermi unammiuaarnerit finalernikkut naammassineqassapput.