Kalaallit Nunaat Belgiami
Belgiami aviisi franskisut oqaasertalik "La Libre Belgique" ataasinngornermi quppernerit marluk atorlugit Nunarput pillugu allaaserisaqarpoq
Beligiamiut aviisiat tutsuigineqarluartup "La Libre Belgique" ataasinngornermi quppernerit marluk atorlugit Nunarput allaaseraa quppernerni 2 aamma 3-mi. Aviisi Bruxellesimi atuarneqarluartarpoq tamaani EU aamma NATO allaffeqarfeqarpoq.
Aviisimi qulequtaq "Le Groenland, terre de toutes les convoitises" (Greenland, land of all covetousnesses) Kalaallit Nunaata aatsitassat qaqutigoortut pillugit isumalluuterpassuinik eqqartuivoq, ilaatigut Kinap nunatsinnik soqutiginninneranik.
Allaaserisami, Slim Allagui'mit allanneqarsimasumi franski ph.d. Damien Degeorges apersorneqarpoq. Taassuma oqaluttuaraa Kinap Kalaallit Nunaannik soqutiginninnera ilaatigut nunarsuarmi nukissaqarniarnermut qanoq isumaqarsinnaanera, tamatumalu nassataanik nunat killiit Kalaallit Nunaanni aatsitassanik qaqutigoortunik ujaasinissamut/piiaanissamut siulliuniartariaqarnernerinik nassataqarsinnaanera. Tamatuma saniatigut Kinamiut issittumi ilisimatusarnissaminnut soqutiginninnerat nunatsinnut iluaqqutissartaqarnera, nunatnik tamalaanik suleqateqarlutik ingerlatissappassut.