Ullukinnermi pisuttuaqatigiinneq
Ullukinneq Ililissani naneruarfilisarluni pisuttuaqatigiinnermik malunnartinneqarpoq
Unesco park ranger Aron Petersenip soqutiginnittut peqatigalugit Ilulissani Sermermiunut ullukinnermi pisuttuartitsinermik aaqqissuussivoq.
- 21. december 2011 nal. Sisamanut 16:00 Qaqiffiup eqqaaniit pisuttuarpugut inuit 50-sit missaaniittut peqatigalugit, Aron Petersen oqaluttuarpoq.
- Naneruarfilisaarrapput ilai qaammartartulisaartut. Hotel Hvide Falk ikumatittakkanik tallimaagunartunik tuniussaqarpoq taakkulu ikumatinneqarput. Pisoqatigiinneq aallartippoq sisamanngoriilaartoq tanneq ataatsip missaani tikiussuuttut tamakkerlutik tikiunnissaat utaqqilaariarlugit.
Aron Petersen nuannersumik tupaallatinneqarpoq taama amerlatigisut peqataajartormata.
- Puussiaarassaqartitsigatta 36-innaat poortornikuugakkit amigartuutsiaqaanga kisianni ajorineqarpasinngilaq, Aron Petersen oqarpoq.
- Pisorrappugut eqqissisimatitap killeqarfia qaagingaatsiarlugu immaqa 7-800 meterit takananilu tussiaqati-giilluta atorparput ”Pinneqaaq Qilassuaq” Kalaallisut qallunaatulluu qaallunaartatta atorpaat. Misigisaq nuannivippoq.
- Issittukasiummat -19,2 anorlilaarlunilu tussiareeratta erngiinnaq qujariarluta angerlamut aallarpugut, Aron Petersen oqaluttuarpoq.