Hashimik eqqussinerminut qaammatit 14-it
Angutit pingasut ippassaaq hashimik nukkassaatinillu anngiortumik eqqussinerminnut pineqaatissinneqarput
Angutit pingasut 26-nik ukiullit ukioq ataaseq sinnerlugu Ilulissani Pineqaatissinneqarsimasunut Inissiisarfimmiittussatut pineqaatissinneqarpoq hashimik nukkassaatinillu anngiortumik eqqussisimanerminnut.
Taama allappoq knr.gl.
Hashimik 528 grammimik nukkassaatinillu inerteqqutaasunik 65-inik eqqussinermut atatillugu ippassaaq Ilulissat eqqartuussiviani eqqartuussisoqarpoq.
Angutit marluk timersortartuusut ilisimaneqarluartut suliami tunuliaqutaaerminnut qaammatini 14-ini pineqaatissinneqarsimasunut inissiisarfimmiittussatut pineqaatissinneqarput, angullu ataaseq akunnermiliuttuunerminut qaammatini aqqaneq marlunni inissiisarfimmiittussanngortinneqarpoq.
Angutit suliamut aningaasartuutit aamma akilissavaat, taakkulu katillutik 513.000 koruuniupput.