Kina nersornaaserneqassava?

Kina ukioq manna 100.000 koruuninik nersornaaserneqarnissaminut tulluarpa? Kalaallit Nunaanni Brugseni siunnersuuteqaqqusivoq

Hospitalsklovnen Vivi Wennerfeldt fik Årets Pris fra Kalaallit Nunaanni Brugseni i januar 2011. Foto: Kalaallit Nunaanni Brugseni

Ukiumut Nersornaasiuttagaq 100.000 kr.-ik aningaasartalik, nunarput tamakkerlugu Kalaallit Nunaanni Brugsenip siulersuisuunerisa inuttassarsiuuppaat.

Ajunngilluinnartumik suliniuteqartutut naapparsimavimmi klovni Vivi Wennerfeldt, Nuuk siorna nersornaaserneqarpoq 100.000 kr.-ininik aningaasartalimmik. Aningaasat taakku iluaqutigalugit Dronning Ingrid-ip napparsimaviani meeqqat uninngasut immikkoortortaanni klovn-itut taanna ingerlaqqippoq.

Siulersuisuunerit ukioq manna aalajangerpaat, Ukiumut Nersornaasiuttagaq suliniutinut pitsaasunut nuna tamakkerlugu tunniunneqarsinnaasoq piffinnut aalajangersimasimasunut mattunnagu. Tamanna tunngavigalugu Kalaallinut Nunaanni Brugsenip nunatta innuttai tamaasa kajumissaarpai piukkussaminnik siunnersuuteqaqqullugit.

Inummut peqatigiiffimmulluunniit suliniuteqarnermigut immikkut sunniuteqarsimasumut Ukiumoortumik Nersornaasiuttagaq tunniunneqartarpoq.

Suliniutit makkuusinnaapput, isumaginninnermut atatillugu suliniut, inunnik ikiuineq, timersornermut allanulluunniit atatillugu sulineq akissarsiaqanngitsoq. Inussutissarsiutimik nutaamik aallartitsisoq, isumassarsiarluunniit nutaaq immikkoorutilimmik kinguneqartoq nersorneqarsinnaapputtaaq. Inuk maligassiuilluartoq imaluunniit inuk inuunini tamangajaat aalajangersimasumik suliniuteqarsimasoq aamma nersornaaserneqarsinnaavoq.

KNB-ip siulittaasua Akaaraq Samuel Olsen oqarpoq, siunnersuutissat tigunissaannut siulersuisuunerit qilanaartut.

  • Inuiaqatigiit kalaallit akornanni immikkoorutilimmik suliniut pitsaasoq siuarsarumavarput, siulittaasoq oqarpoq.

Siunnersuut allaganngorlugu mail-ikkut allakkerisarfikkulluunniit nassiunneqarsinnaavoq 2012-imi februarip 26-ata tungaanut.

Nassiussiffissaq: KNB, Postboks 1092, 3900 Nuuk

Mail-ikkut Direktør Susanne Christensen-imut:

Susanne.Christensen@Knb.gl

Ukiumoortumik Nersornaasiuttagaq tunniunneqassaaq 2012-imi sap.ak. 14-imi.

Powered by Labrador CMS