Nanook aamma Julie juullisiortitsipput
Julie Berthelsen oqaluttuussaaq DR'ip pisarneq naapertorlugu Kalaallit Nunaannut juullimi pilluaqqusinerani. Ukioq mannali Nanook aamma peqataapput
Annonse
DR'ip tusarnaartitsisarfissua kalaallinik allanillu nunatsinnut attuumassuteqartunik ulikkaassaaq DR'ip pisareq naapertorlugu Kalaallit Nunaata aamma Danmarkip akornanni imminnut juullimut inuulluaqqusaqattaarnerannik aallakaatitsilerpat. Julie Berthelsen unnummi oqaluttuussaaq ukioq mannalu kalaallit nipilersortartut Nanook nipilersussapput, Benny Andersen aamma Dodo, Danmarkimit aliikkusersuissallutik. DR'ip Big Bandia nipilersortuuvoq aamma DR Pigekoret kiisalu Aavaat erinarsukkanik tusarnaartitsissapput. Nipilersoqatigiinnik aqutsisuussaaq Michael Bojesen.
KNR'ip sisamanngornermi nal. 16 inuulluaqqusineq aallakaatissavaa, nal. 21 aallakaateqqissallugu.