258 gram hash tunniunneqartoq
Arnaq aallalersoq aperineqarpoq poortukkamik nassarsinnaanersoq
Nuummi politiini pigaartuusoq, Kasper Berthelsen Sermitsiaq.AG'mut oqarpoq, sapaatip akunnerata ingerlanerani hashi 258 gram tunniukkiartorneqarsimasoq. Hashi sineriammi sumiiffiit ilaannut ingerlasussaagaluaq.
- Arnaq aperineqarsimavoq sinerissami sumiiffiit arlaannut angalasussaq poortukkamik nassarsinnaanersoq, peqqaataanik arnaq angersimavoq. Nassartitserusuttorli ilisarisimannginnamiuk poortugaq sunik imaqarnersoq issanngugilerlugu ammarsimavaa.
Poortugaq hashimik imaqarsimavoq arnarlu inatsisinik malitsiniartuugami, Nuummi politeqarfimmut saaffiginnippoq ilumut hashiunersoq paasiniarlugu, hashiuvorlu.
- 258 gram hash Nuummut naleqqiullugu sineriammi akisunerujussuuvoq, aningaasarpassuit eqqartorpagut, politeeqarfimmi pigaartoq Kasper Berthelsen oqarpoq.
Arnap poortukkamik tunniussisup pillugu ilisarnaataanik taaguinerata kingorna inuit arlallit tigusarineqarput.
Sapaatip akunnerani qaangiuttumi ikiaroornartut pillugit politiit suliaat 14-iupput, taakkunannga arfineq-pingasut tigusaapput illoqarfimmilu najugaqarfinni arlalinni politiit hashimi aningaasanillu ujaasinerannik kinguneqarpoq.