Kalaallit Nunaa alliartorpoq
Kalaallit Nunaat alliartorpoq siku aattoq annertusiartortillugu nuna qaffakkiartorpoq
Annonse
Nunarput alliartortuarsinnartoq siorna soorlu allisaammik kapisaalluni qatsinnerulerpoq.
Danmarkimi ilisimatusartut tamanna ilaatigut uppernarsarsinnaavaat Kalaallit Nunaata kujataani sermersuup aakkiartorneranik uuttuinernit. Taama Berlingske allappoq.
Uuttuinerit takutippaaat 2010-mi aasakkut qaammatit tallimanit ingerlaneranni siku pisarnermit 100 milliarder tonsi annertunerusoq aassimasoq, ullut ilaanni nalinginnaasumit silap kiannerusarneranit. Sumiiffiit ilaanni nunatavik centimeterit marluk angullugit qaffassimavoq.
Ukiut qulit ingerlaneranni 20 centimeterinik nuna qaffassagaluarpat, sanaartornermi eqqarsaataalernissaa pisariaqalersinnaavoq, René Forsberg DTU Spacemi geodynamikimik immikkoortortami pisortaq oqarpoq.