Nuummi politiit suliaat peqqarniik

Nuummi politiit ullumi nalunaarut peqqarniitsorpassuarnik imalik ittortaminnut tunniutissavaat. Sapaatip akunnera qaangiuttoq persuttaasut, aserorterinerinerit, tillinniarnerit aammalu aalakoortorpassuarnit sunnigaavoq.

Nuummi politeqarfimmi pigaartoq vicepolitikommissær Knud Frederiksen ilisimatitsivoq, sapaatip akunnera qaangiuttoq Nuummi politiit makkuninnga suliaqarsimasut:

- Imminut toqunnissamut siorasaarutit 3.
- Angerlarsimaffinni eqqissiviillliornerit 18.
- Angerlarsimaffinni meerartalinni eqqissiviilliornerit 6.
- Inuup tarnikkut napparsimasup pissusilersuutai tallimariarlugit nalunaarutigineqarput.
- Qunnuuloortut ikioqqullutik nalunaartut 6.
- Aalakoorpallaartut 6.
- Inertereqqusillutik nalunaartut 4.
- Imerniartarfinni eqqissiviilliortitsisut 2.
- Aqqusinerni eqqissiviilliornerit 7.
- Persuttaanerit 4.
- Pisiniarfinni tillinnerit 14, 15 inorlugit ukiulik ataaseq inunnik isumaginnittunut ingerlateqqinneqarpoq.
- Atisaajartarfimmi, taskimik aamma inissiami tillinnerit 3.
- Umiatsiami tillinniarneq 1.
- Biilinik tillinnerit 2.
- Aqqusinermi angallannermi ajutoortut 4.
- Imigassartorsimallutik biilertut 3.
- Inuit kissaatiginngisat isersimanerat 4.
- Meeqqat angerlarsimaffiiniittut sisamat marloriarlutik qimaasimanerannik nalunaarutit. Sulisut meeqqanik ujaasinerannik angerlartitsiniaanerinillu ikortariaqarsimapput.
- Taxanut ilaallutik akiliiumajunnaartut 2.
- Pineqaatissinneqarsimasut inissiisarfiannit qimaasoq 1, taanna aneereerluni utinngitsoorsimasoq aatsaat aqaguani nammineq uterpoq.
- Innuttaasunit sianerfigitinnerit 7, imigassartorsimallutik biilertunik pasinnittut imaluunniit inunnik biilit angerlarsimaffiilluunniit eqqaani misissuerpasittunik pasinnittut.

- Aqqusinerni angallannermi inatsisinik unioqqutitsinerit 12, ilaatigut biilersinnaanermut allagartaqanngitsut, allagartaajagaanikut biilertut, qilerummik atuinngitsut aammalu aqqusinerngit qullii aappalaartuusut biilimik ingerlatsiinnarnerit.

- Ikiaroornartumik suliat 16, taakkunannga 13 tigusarinninnertallit aamma illoqarfimmi inigisani arlalinni hashimik aningaasanillu ujaasisoqarpoq.
- Kommuneqarfik Sermersuumi politiit ileqqoreqqusaannik unioqqutitsinerit pingasut, tassani imerniartarfiit silataanni peqqarniitsumik qunusaarisimanerit pineqarput.
- Atorfilimmik persuttaanerit 2. Pisumi ataatsimi inuup tarnimigut napparsimasup ikiortiminut tillussisimanera, suliamilu allami politeeq sulinermi nalaani illoqarfimmi imerniartarfiit arlaanni saassunneqarnera, saassussisorli pilertortumik unitsinneqarpoq tigusarineqarlunilu.

- Tillinniarnerit 4. Pisiniarfik Kilu & Ujaloq siuliani sapaatip akunnerata naanerani tillinnianit iserfigineqarsimavoq, nalunaaqqutaaqqat kuultimik qaqortumik sanaat, assammiut arlallit tillitanut ilaallutik. Kilu & Ujaloq tillinniarfigitinnini 151211 nalunaarutigaa. Tillinniarfigineqartup aapparaa inissiaq. Tassani najugaqartut tillinniaq suli inissiamiittoq iserfigaat, tillinniarli pakasarneqarami qimaasimavoq.

20 fods containeri Nuuk Imerup tunuaniittoq ammarneqarpoq tassanngalu helikopereeqqat nammineq aquttakkat 12 tillinneqarput.

Kamik Minimarked aamma tilliniarfigitippoq. Tassani matu ammarneqarsimavoq, sikaritsit imigassallu puiaasat qassiunersut ilisimaneqanngitsut tiguneqarsimallutik.

Nuummi politiit inuit 30-t parnaaruttariaqarsimavaat.

Nuummi politiit innuttaasut qinnuigaat tillinniarsimanernik ilisimannittut kikkulluunniit tamarmik saaffiginneqqullugit.

Nuummi politiit saaffigineqarsinnaapput 32 14 48 sianerfigalugu.