Hans Rafaelsen malunnaateqarnerpaaq
Faxe Kondi'p legatia 25.000 koruuninik aningaasartalik sisoraatinik oqilaniuttartumut Hans Rafaelsenimut tunniunneqarpoq
Faxe Kondip ukiuni 40 Kalaallit Nunaanni tuniniaanerminik nalliuttorsiornerminut atatillugu, nunatsinni ukiuni 40-ni timersornerup iluani malunnaateqarnerpaamik toqqaasitsivoq Faxelegatimik tunineqartussamik.
Timersortartut timersornermillu suliallit hornorujut arlallit legatimik taamaattumik tunineqarnikuupput. Ataatsimiititaliaq piukkussanik sisamanik toqqaavoq, taakkunannga kina ukiuni 40-ni malunnaateqarnerpaajusimanersoq toqqarneqartussaalluni. Toqqagassatut piukkunneqarput: Rita Egede, sisoraatinik oqilaniunneq aamma assammik arsarneq, Michael Binzerm sisoraatinik oqilaniunneq, Helga Nielsen, Inuit Games aamma Hans Rafaelsen sisoraatinik oqilaniuttartoq.
Ataasiinnaq ajugaasussaavoq kikkullu taaseqataanissaminnut soqutiginnittut kina nersornaammik pissanersoq taasisinnaavaat. Ajugaasoq tassaavoq Hans Rafaelsen, taanna aamma aningaasaateqarfimmit 25.000 koruuninik tunineqarpoq.
Unammisitsinermi sermitsiaq.ag'ip nittartagaatigut ingerlanneqartukkut taaseqataasut akornanni Ipad 2-mik pinnattussat aamma makinneqartussaavoq. Eqquisoq tassaavoq Rena Lorentzen, taanna GSS'imi målmandiuvoq aammalu sulorartartuulluni pikkorissoq.