Nissebanden nuannareqaagut
Sermitsiaq.AG'imi taasinerup inerneraa "Nissebanden i Grønland" suli nuannarilluarneqartoq
Lunte, Gemyse, Skipper, Puk, hr. Mortensens, Inuk, A38 allallu "Nissebanden i Grønlandimilu" isiginnaartakkat allat nuannarineqaqaat, naak ukiunik 22-nik pisoqaassuseqaleraluarlutik meeqqanit, angajoqqaanit allanillu tiguaasinnaapput.
Ilami ima nuannarineqartigipput, juullimut mappersagaq 1989 DR aamma KNR aqqutigalugu aallakaatinneqarneranit, ukioq manna aallakaateqqinneqartoq juullit mappersagaasa pitsaanerpaasa aappaatut taaneqarpoq.
Taama Sermitsiaq.AG'mi taasisitsinerit inerneri ipput, nittartakkamik atuisut 363-it taasinerisa kingorna.
Sermitsiaq.AG ullualuit matuma siorna aperaaq: juullimut mappersakkanik sorleq pitsaanerpaajuva?
Tallimanngornermi taasisitsineq naammassimmat, taasinerit amerlassusaat naapertorlugit ima agguataarput:
DR's/KNR's ”Nissebanden i Grønland” – 59.78 procent (taasinerit217 )
KNR's "Nisserne højt mod nord" – 8.82 procent (32)
TV 2's ”The julekalender” – 8,54 procent(taasinerit31)
TV 2’s ”Ludvig og julemanden” – 7,44 procent (taasinerit27)
”Ingen – alle fem er dårlige” – 7,44 procent (taasinerit27)
”Ved ikke” – 5,23 procent (taasinerit19)
DR2's "Hjælp, det er jul" - 2,75 procent(taasinerit10)
Nissebandikkut nunatsinniinnerannit oqaluttualiaq sisamassaat tv'kkut aallakaatinneqarpoq. Kingullermik 2002-mi aallakaateqqinneqarpoq, aamma 1993-imi aallakaateqqiineq siulleq pivoq.
"Nissebanden i Grønland" pillugu arlaannik oqaasissaqaruit ataani allassinnaavutit.