Suli angumerisinnaavat
ICC-p MIPI-llu FN-ip Meeqqanut Isumaqatigiissitaliaanit atuakkiaq meeqqanit assiliartalersortinniarpaat
ICC-p MIPI-llu FN-ip Meeqqanut Isumaqatigiissitaliaanit atuakkianut ilanngussinissamut sapaatip akunnerinnanngorpoq.
ICC-p MIPI-llu meeqqat atuarfiini tamani klassit akunnattut meeqqanut atuakkiamut assiliartalersuinissamut qaaqquaat.
ICC MIPI-lu Meeqqanut atuakkiorput FN-ip Meeqqanut Isumaqatigiissitaliaanit. Atuagaq atuarfimmi atuartunut akullernut atuartitsissutigineqassaaq ilinniartitsisunullu malittarisassaqassalluni. Taama oqaluttuarput ICC-miit Parnuna Egede, Mipimi suliamut aqutsisoq Mirian Rønne aamma suleqataasoq Birgithe Fly tusagassiuutinut nalunaarummi.
- Atuartut atuakkamut ilusilersueqataatikkusuppagut, tamaattumik atuartut titartakkaminnik piaarnerpaamik nassiussissapput. Nassiussinisaq kingulleq 15. december 2011, massakkullu sapaatip akunnerinnanngorpoq.
- Taamaattumik suli nassiussinissamut angumersisinnaavusi, suliniummi suleqataasut pingasut oqarput.
Suliassaq ajornakusoorpoq, qanormi meeqqat pisinnaatitaaffii pillugit assiliartalersuisoqartarpa.
ICC-p meeqqanut atuakkiaanut suliaq nittartakkami uani atuarsinnaavat.
MIPI-p nittartagaani aamma Meeqqat pisinnaatitaaffii pillugit isumaqatigiissoq atuarsinnaavarsi.
Meeqqamut atuagaq ilinniartitsisumullu najoqqutassaq naammassineqarnissai naatsorsuutigineqarput 2012-mi aasap ingerlanerani, atuarfeqarfiillu tamaasa akeqanngitsunik atuartitsissutissanik meeqqat piginnaatitaaffii pillugit nassinneqarumaarput.
- Neriuppugut atuartut amerlasuut titartaanikkut peqataalluassasut uunga suluamut pingaarutilimmut pissanganartumullu.
Titartakkat uunga nassiunneqassapput:
ICC
Postboks 204
3900 Nuuk
Attaveqarfissat:
Projektmedarbejder, Birgithe Fly. Tlf. nr. 587578
Projektleder i ICC, Parnuna Egede. Tlf. nr. 241633
Projektleder i MIPI, Mirian Rønne. Tlf. nr. 346942
Titartagaateqareeruit uunga nassiussinnaavatit: assilissat@inuit.org