Qaqortumi juullimi tusarnaartitsineq
Ippassaq adventit sapaataasa aappaani Qaqortumi Gertrud Raskip oqaluffiani nal. ak. marluk juullimut tusarnaartitsisoqarpoq
Juullimut tusarnaartitsineq ilagiit sinniisaannit palaseqarfimmillu aaqqissuunneqarmat, illoqarfiup erinarsoqatigiivi arlallit peqataapput; Vilhelm Lyngep erinarsortartui, erinarsoqatigiit Erinnap Nipaa, angutit erinarsoqatigiivi Saqqaarsik aammalu utoqqaat erinarsoqatigiivi.
Ilagiit sinniisaat sinnerlugit juullimi tusarnaartitsineq Sika Frederiksenimit ammarneqarpoq.
Taamtuma kingorna erinarsoqatigiit taaneqareersut tussiutinik assigiinngitsunik tussiarput aammali tussiaqatigiittoqarpoq, kiisalu juullip evangeliua palasimit nutaamit Emilie Steenholdtimit aammalu kujataata provstianit Dorthe Petersenimit aammalu ajoqimit Kaluusi Motzfeldtimit atuarneqarpoq.
Organist Jens Adolfsen ilagiinnut pattattuuvoq.
Pattaanneqarnerpaajuvorli ilagiit sinniisuannut ilaasortaq Jens Skærlund, taassuma organist Jens Adolfsenimit ingiallorneqarluni "Julebudet til dem der bygge" tussiaramiuk.