Inuilimit ernæringsassistentit nutaat
Inuusuttut aqqanillit ernæringsassistentitut ilinniarnerminnik nerisassiornermik ilinniarfimmit tallimanngorneq decembarip aappaat allagartartaarput
Ernæringsassistentinngortut aqqanillit nutaat kantinani, napparsimavinni, utoqqaat illuini, paaqqinnittarfinni meeqqerivinni assigisaanilu sulinissaminnut piareerput, tamakkunani peqqinnartumik tulluartumillu nerisaqartitsinissamik sulissallutik. Aamma sapigallit sukkortullu nerisassaannut siunnersuisinnaapput.
Ernæringsassistentinngortut tassapput Ivalu Siegstad aamma Manumina Jeremiassen, tamarmik Sisimiut. Sebulon Christiansen, Narsaq. Ulu Jeremiassen, Aasiaat. Lea Mathiesen, Ilulissat. Tina Svendsen, Upernavik. Mathilda Abrahamsen, Sisimiut. Marie Qaavigaq aamma Sinarujuk Nielsen, tamarmik Qaanaaq.
Aamma Nukannguaq Kristiansen aamma Apollunie Ananiassen, Qaqortoq, taakku marluullutik angerlamut apuutereersimagamik assiliseqataanngillat.
Ernæringsassistentitut ilinniarneq ukiunik pingasunik sivisussuseqarpoq, Inuilimi atuarneq suliffimmilu sungiusarnerit imminnut paarlakaajaallutik. Ilinniartut Inuilimi atuarput sap. ak. 2x10 kingornalu 2x15.