Kujataani palasi nutaamik taaserpoq
Sapaammi Emilie Steenholdt Kujataani palasitut ivertinneqarpoq, Nuummi suliffini qimallugu nuummat
Kujataani provstip Dorthe Petersenip sapaammi Emilie Steenholdt Kujataani palasitut ivertippaa.
Gertrud Raskip Oqaluffia inunnik ulikkaarpoq Nuummi palasiusimasumik ivertitsisoqarneranik malinnaarusuttunik.
Qaqortoq maanna arnanik palasinik marlunnik sulisoqalerpoq, Nukannguaq Adolfsen Nanortalimmut ukiaq manna nuummat.
Emilie Steenholdt, Nuummi 2006 palasinngortinneqarpoq maannamullu tamaani suligaluarluni tassa maannakkut Qaqortup palaseqarfiani atorfinippoq.
Ivertinneqarnermini Qaqortumi ilagiinnut kusanartumik oqaaseqarpoq tamatumalu kingunitsianngua niviarsiarannguamik kusilluni.
Angutit erinarsoqatigiit Saqqaarsik Qaqortumi palasinngortumut tusarnerluinnartumik erinarsorput.
Ualikkut Gertrud Raskip oqaluffiani juullimut tusarnaartitsisoqarpoq, taamaattumik palasinngortitsinermi kaffisortitsinissaraluaq januaarimi katersortarfimmi pisussanngortinneqarpoq.