Franskip nunarput ph.d'mik angusiffigaa

Damien Degeorges, inuiaqatigiilerinermik ilisimatusarnermik ph.d'inngorniarluni Kalaallit Nunaata Issittumi inissisimaneranik allaaserisani illersorpaa

Damien Degeorges

27-nik ukiulik franski qallunaatut oqaasilik Damien Degeorges, pingasunngornermi Université Paris Descartes'imi inuiaqatigiilerinermik ilisimatusarnermik ph.d'inngorniarluni Nunatta Issittumi inissisimaneranik allaaserisaminik illersuivoq. Imminut "ph.d." atorlugu maanna ilisaritissinnaanngorluni.

Siornatigut nuummiuusimasoq franskisut oqaasilik nalilersuisooqatigiinnut ilaavoq. Tassaavoq Bo Lidegaard, ullumi Dagbladet Politikenimi akisussaassuulluni aaqqissuisuunerusoq aamma siornatigut Statsministeriami atorfiliusimasoq. Bo Lidegaard Nuummi peroriartortoq; Sorsunnersuup aappaanni Henrik Kauffmann aamma Kalaallit Nunaat pillugu doktorinngorniarluni allaaserisaqarnikuuvoq.

Damien Degeorges, Parisimi universitetiminngaannniit tusagassiivinnut allappoq, - Franskisut oqaatsit atorlugit ph.d-mik illersuinermik tusarnaartutut peqataanini anigorluarpaa.

Damien Degeorges, ungasinngitsumi allaaserisaqarpoq allaaserisamini sammisani pingaarnerpaat pillugit, tassasut nunatsinni nunap sananeqaatai qaqutigoortut - tassaanerakkani nunap "kuultissaviisut" isigisani. Allaaserisaq "Det riktiga arktiska guldet - Grönlands makt växer med fynden av jordartsmetaller", svenskisut saqqummereerpoq Stockholmimi Utrikespolitiska Institutet (UI), kingullermik saqqummersitaani "Internationella Studier".

Sapaatip akunnerani uani nunarput Frankrigimi saqqumilaarpoq, ilaatigut naalakkersuisut siulittaasuat Kuupik Kleist, Parisimi franskit naalagaaffiata avataaniittunut naalakkersuisoq Marie-Luce Penchard ataatsimeeqatigigamiuk.

Powered by Labrador CMS