Suli tikaagullittassaqarpoq
Kitaani tikaagullittassat sinneruttut qulingiluat paggatassiissutigineqarput. Suli aamma tikaagulliusaartassaqarpoq aamma qipoqqaat pisarineqarsinnaasut tamakkerneqanngillat
Sisamanngorneq decembarip aallaqqaataa tikaagullittassat sinneruttut tikaagulliit qulingiluat paggatassiissutigineqassapput.
Kitaanut 2011-mi pisassiissutit tamarmiusut tikaagulliit 185-upput (178 + 7 2010-mi pisarinngitsuukkat ilanngullugit).
Kalaallit Nunaata Kitaani tikaagullittanik nalunaarutit Aalisarnermut, Piniarnermut Nunalerinermullu Naalakkersuisoqarfimmi tiguneqartut tunngavigalugit tikaagullittassat sinneruttut 9-put 1. december 2011-miit paggatassiissutigineqartut. Sinneruttut amerlassusaat allanngorsinnaavoq pisanut nalunaarutit apeqqutaallutik, Aalisarnermut, Piniarnermut Nunalerinermullu pisortaqarfimmit nalunaarutigineqarpoq
Nunatta kitaani umiatsiaaqqanit ataatsimoorullugu pisassiissutaasut pisarineqanngitsut sinneruttut ulloq 1. decemberimiit paggatassiissutigineqassapput umiatsiaaqqanik ataatsimoorullugu piniaqatigiittunut kiisalu angallatinit qamutilissorluni piniartunut pisarineqarsinnaasunngorlugit.
Pisat pissatallu tamarmik ingerlaannartumik kommunekkoorlugu Naalakkersuisoqarfimmut nalunaarutigineqartassapput, tusagassiivinnut nalunaarummit erserpoq.
-
Tikaagulliusaanut pisassiissutinit sinnerupput tikaagulliusaat 5-it, taakkulu ataani nalunaarutini taaneqartuni piumasaqaataasut naapertorlugit angallatinit tamanit tikaagulliusaarniarnissamut teknik-ikkut akuerineqarsimasunit piniarneqarsinnaapput.
Qipoqqarnut pisasssiissutinit sinnerupput qipoqqaat pingasut. Qipoqqarnulli pisassiissutit agguaanneqarnikuupput, taamaattumillu paggatassiissutaanatik.
Pisaqarsinnaanermut piumasaqaatit (www.inatsisit.gl)
Arfernik angisuunik pisaqarneq ima ingerlanneqassaaq, takuuk:
- Arfattat pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.