Paamiuni aallaasersortoq
Nuummi politiit immikkut pisoqartillugu suliaqartinneqartartut arfininngornermi ullaakkut Paamiunut timmisartuunneqarput illoqarfiup iluani aallaasersortoqarnera pissutigalugu
Arfininngornermi ullaakkut arfineq-pingasut qaangilaaraa inuit arfinillit Nuummi politiit immikkut pisoqartillugu suliaqartinneqartartut, Air Greenlandip timmisartorsuanut Super King Air'imut ilaallutik Paamiuliarput. Tamatumunnga pissutaavoq politiit illoqarfimmi inissiarsuit akornanni aallaasersortoqarneranik kalerrinneqarnerat. Taama Nuummi politiinit pigaartuusoq Per Langborg nalunaaruteqarpoq.
- Inunnik ulorianartorsiortoqarnera nalunaarutigineqanngilaq taamaattorli timmiarsiummik pingasut sisamariarluni igeriartoqarsimanera nalunaarutigineqartoq, pigaartoq oqarpoq.
- Nuummi politiit immikkut pisoqartillugu suliaqartinneqartartut aallartinneqarput, pissutigalugu taakkua immikkut pisoqartillugu suliniarnissaminnik sungiusagaammata, pigaartoq nassuiaavoq.
- Maannamut inuit marluk tigusarineqarput politiilllu aallaasersorsimaneq aallaariakkallu assigisaallu misissuiffigaat.
- Suli naluarpoq sooq aallaasersortoqarsimanersoq imaluunniit inunnik eqqoriaasoqarsimanersoq. Suli ilisimanngilarput sumit aallaasersortoqarsimanersoq, soorlu inissiap igalaavanit silataanilluunniit aallaasersortoqarsimanersoq, pigaartoq paasissutissiivoq.
Per Langborg ilisimatitsivoq tigusarineqartut marluk ajornartorsiutitaqanngitsumik tigusaasut.
Inunnik ulorianartorsiortoqanngilaq aamma qunusaarisoqarsimanngitsoq, pigaartoq oqarpoq.