Namminersulivinnissaq nukissaaruttoq
Ukiut qulit matuma siorna Savalimmiut Danmarkimit avissaavinniarnermik kissaateqarpoq. Maannakkut Savalimmiuni naalakkersuisut tapiutisiatik qaffatsinnialerpai
»Ukiuni qulini nunamik namminersortumik namminerlu aningaasalersortumik sinnattu tassunga killeqarpoq. Savalimmiut Danmarkillu attaveqatigiinnerat pissusitoqqanut uterpoq.« Taama oqarpoq Hans Andrias Sølvará, savalimmiuni oqaluttuarisaanermik immikkut ilisimatusarsimasoq, atuakkamik oqallisissiami ukioq manna oktobarip 29-anni Savalimmiuni lagtingimut qinersineq ingerlanneqartoq pillugu-
Weekendavisen taama allappoq.
Danskit aningaasaliinerunissaanik kissaat Sambandsflokkurin kisimiilluni oqaatigisaa maanna savalimmiuni politikkerit tamarmik isummiuppaat. Aningaasat kissaatit 150 million koruuninik amerlassuseqarput.
Savalimmiut ukiumut 615 million koruuninik taperneqartarpoq, aningaasat taakku 2002 allanngortinneqarsinnaanatik inissinneqarput.
150 million koruunit naalagaaffeqatigiinnermik isumannaarisinnaappata imaassinnaavoq danskit naalakkersuisuisa tapiutaasartut qaffasereeqisut iluannut ikisinnaagai, Weekendavisen taama allappoq.