Sulinerup nalaani nal. ak. 4000 FB'mut atorneqartarput
Hvidovre Hospitalimi internettimik atuineq misissuiffigineqarmat paasinarsivoq sulinerup nalaanni inuit internetteraangamik nittartakkat inuinnaat atorumasaat, assersuutigalugu Facebook piffissaajarfigisaraat
Sakkortuumik oqaatigalugu Hvidovre Hospitalimi sulisut internetteraanngamik nakorsaatissanut tunngasut imaluunniit netdoktor ujaasiffigineq ajorpaat. Inuinnaat nittartagaat soorlu Facebook aappassarsiorlunilu ujaasiffiit internettip kabiliinik aamaartitsisarput. Napparsimavissuarmi internettimik atuinermik misissuinerup tamanna paasinarsisippaa.
EB.dk sisamanngornermi taama allappoq.
- Kisitsisit paasigakkit tupangaarama aatsaannaraluarpunga. Nalunngilara suliamut tunngassuteqanngitsunik atuisoqartoq, taamali annertutiginera takorloorsimanngisaannarpara, Torben Mogensen, Hvidovre Hospitalimit EB.dk'mut oqarpoq.
Kisitsisit isumaqarput napparsimavissuarmi sulisunit 3400-nit, sulisut 24-t qaammammi suliffissamik piffissaa tamaat internettimi sukujunnik ujaasinermut atortaraat.