Arsaattartut nukappissat AWG'mut peqataasussat
Illup iluani nunatta arsaattartui nukappissat inuusuttuaqqat, AWG'mut peqataasussat toqqarneqarput
GBU inuusuttuaqqani nunatta arsartussaanik toqqaavoq, 95-96-imi inuusut Arctic Winter Games 2012, marsip sisamaanniit qulingat ilanngullugu Whotehorsemi, Yukon, Canadami ingerlanneqalerpat peqataasussat. Taama GBU-mi inuusuttunut sungiusaasoq Rene Olsen tusagassivinnut nalunaarpoq.
Arsaattussat aasaq manna Nuummi inuusuttuaqqat nunatsinni pissartanngorniunnerannit takusanit aammalu sinerissami sungiusaasut innersuussutaat tunngavigalugit toqqarneqarput. GBU-mi sungiusaasut illoqarfinni timersoqatigiiffinnut sungiusaasunullu attaveqarluarnissaat pingaaruteqarpoq, arsaattartut ineriartornerannik malinnaanissamut. Aningaasarliornerulli angalalluni arsaattartunik GM'imut peqataaneq ajortunik isiginnaariarnissaq ajornakusoortippaa, Rene Olsen ilisimatitsivoq.
Taassuma ilanngullugu tusarliuppaa AWG ingerlanneqartillugu illup iluani arsaattarfiit kalaallit ulluinnarni arsaattarfiinit annerusartut aammalu tippiisarsualimmik natilimmik unamminerit ingerlanneqartartut.
- Pingaaruteqarpoq arsaattartut teknikkigilluarnissaat aammalu qasujaatsuunissaat, Rene Olsen oqarpoq.
Nunatta arsaattussai makkuupput:
1. Brian R. Kleist - Qaqortoq
2. Inuk Knudsen - Qaqortoq
3. Charles Petersen - Qasigiannguit/Upernavik
4. Hans Karl Olsen - Qeqertarsuaq
5. Lars Kleist - Qeqertarsuaq
6. Ari Hermann - Nuuk
7. Niklas Thorleifsen - Nuuk
8. Nick Reimer - Ilulissat
9. Lars Erik Reimer - Ilulissat
Målmand reservi: Simon Thorleifsen - Ilulissat
1. reservi: Pauli Hermansen - Paamiut
2. reservi: Miki Kristiansen - Nuuk.