Mersortarfik ukiunik 20-nngortorsiortoq

Amernik mersortarfik "Mersortarfik Panigiit" kalaallimik qungujulasumik ilisarnaatilik decembarip arferngani 2011 suli qungujulanerulaassaaq, ilaqutariit suliffeqarfiutinnguat ukiuni 20-ni ingerlasimavoq Sisimiuni inissisimalluni.

- 1991-imi ukiumik ataatsimik piffissalerluta misiliivugut, mersortarfiup pinginnittua Olga B. Ljungdahl tusagassiivinnut allappoq.

- Ukiut siuliit pinngitsoorsinnaanngisatsinnik ilaqutatsinnit ikiorluarneqarpugut. Piffissaq tamanna pissanganarpoq mersorfimmit ataasiinnarmit pingasunik mersorfeqalernissatsinnut aammalu tunisassiorpalaarnerusumik suliaqaleratta. Ullumikkut arfineq-pingasunik mersorfeqarpugut, ataatsikkut ingerlaneq ajoraluarput, Olga B. Ljungdahl nangippoq taanna mersortarfimmi sulinermi saniatigut Sisimiuni kommunalbestyrelsimi ilaasortaavoq.

Aallartisareernerup kingunitsiaa pisiassanik arlariinnik sanaartorneq aallartippoq ilaatigut ujaqqat pinnersaasia nunatsinneersut, nuersagassat aamma tunissutissanik soorlu assassukkanik nunatsinneersunik aammalu pigisanik pisoqaanernik tuniniaanermik suliaqarput.

- Pitsaassuseq pingaartittuaannarnikuuaarput Olga B. Ljungdahl, oqaluttuarpoq taassuma umimmaat qiviuinik nuersagassiorneq aamma nukissaqarfigisimavaa.

- Uuttortaariarluta mersorumanerusarpugut, taamaaliornikkut pisiniartugut naammagisaminnik pissarsisarput pisiniarfimmili misilinneqarsinnaasut amerlasoorpassuit piginissaat pingaartipparput.

Ukiut kingulliit arfineq-pingasut tammajuitsussaarniarfiit sineriammiittut suleqatigilluarpagut taakku aamma pitsaassutsimik aalajangersimasumik peqarusuttut, decembarillu arfernganni ukiunik 20-liinitsinni pisiniarfimmi pisiassat tamarmik 20 %-imik akikillissapput.

- Ukiualuit ingelanissarput naatsorsuutigaarput neriulluta ukiunik 25-nik nalliuttorsiorumaarluta pisiniarfimmik piginnittoq nuannaaqisoq oqaluttuarpoq.