Juullimut tunissutit sallumik pilersitsisarput

Juullimut poortukkat ammarterneranni unneqqarissorsuuneq ajorpugut

Julegave juleaften. Foto: Wikimedia Commons

Juuliaqqami tunissutigigaangavit kissaatigisimanngilluinnakkannik iliuusissaaruttarpit?

Taava kisimiinngilatit. Misissuinerit nutaat takutippaat qallunaat amerlanersaasa juullimut tunissutit nuannarisuusaartaraat tunissutip nuannarinnginneranik oqarnerminngaaniit.

Qallunaat 79 procentiisa tunissutisiatik nuannarisarpaat, 19 procentilli nuannarinngikkaluarlugit nuannaarisuusaartarlugit,taamaallaallu 12 procentit tunissutisiartik qanoq iginerlugu oqaatigisarlugu qanoq nuannarigiginerlugu apeqqutaatinnagu.

Ilisimangeqanngilaq tunissutisiap qanoq akeqarsimanera nuannerineqassutaanut apeqqutaasarnersoq.
Misissuinermili paasineqarpoq qallunaat amerlanersaasa 1.000 aamma 3.000 koruunit akornanni juullimut tunissutissanut atortaraat, 23 procentiisalu 3.000 aamma 5.000 korunnit akornanni.

Misissuinermi aamma paasineqarpoq arnat angutiniit tunissutissanut aningaasartuuteqarnerusartut.
Misissuineq Mastercard sinnerlugu YouGov-imit suliarneqarpoq qallunaat 1.001-t apersorneqarlutik.

Powered by Labrador CMS