Sungiusarneq tappik aallarteruttorpoq
Imaani ikuallattoornermik ujaasinermillu sungiusarnerit. Sungisuarneq tappik pilersaarutit malilluinnarlugit ingerlavoq
Sungiusarneq tappik aallarteruttorpoq, ullormilu siullermi immikkoortut peqataasut akornanni suleqatigiinneq sungiusarneqarpoq. Ataasinngormat umiarsuarnik ajoqusertunik ikiuineq pingaarnerusumik sammineqarpoq.
Marlunngormat ullaakkut immikkoortut marluk Nuummit aallarput angallamillu aalisariummik maqaasineqartumik, marlunnik inuttalimmik, ujarlerneq aallartillugu. Ujarlerfigineqartoq tassaavoq kujataani Nuummit avannaani Atammimmut.
Aqqutaani immikkoortut allanik aamma unammilligassaqalerput, tassa ujakkamik saniatigut aamma angallatit ajoqusersimasut marluk ikiortariaqaramikkit, aappaa ikuallattoq inuttanik ajoqusertoqarluni aappaalu ikkarlissimalluni immalersimalluni.
Nunatta kimmut sineriaa katillugit 80 sømilit missaannik isorartussusilik ujarlerfigineqarpoq, ujaarineqartullu Atammiup avannaani nuunnguami Sisammik atilimmi nassaarineqarput. Ujarlerneq ikiuiartornerlu tamarmi akunnernik 27-inik sivisussuseqarpoq, tamannalu pissutigalugu sungiusarneq piviusorpalaartorujussuuvoq.
Ippassaq ikuallattumi pujorsiornermik sungiusartoqarpoq Nuummi qatserisartut ikiortigalugit ikiueqqaarnermillu ilinniartitsisoqarluni.
Taamatut allappoq Kalaallit Nunaanni Sakkutooqarfik.
Sungiusarneq tappik ullumi tallimanngornermi naassaaq.