Qaqqat alanngui Diskobugtiliaappaat

Filmi quilertanartoq Qaqqat Alanngui aasaq takuteqqaarneqarmalli Kalaallit 14.000-it sinnerlugit isiginnaariarsimapput, Kalaallit nunaanni kisimi.

Ersinartuliaq nuannarineqaqisoq Tumit Productionimit suliarineqarpoq, taakkuttaaq oktoberimi Kujataani angalaaqammerput takuteqattaarlugu filmi. Massakkullu diskobugti takutitsiortorfigilerlugu.

Filmimik pilersitseqataasoq Aka Hansen ilisimatitsivoq, Tumit Production nammineq atortuutitik nassarlugit illoqarfinnut angalaaqattaartariaqartut.

- Filmi takuteqqaarneqarmalli inuppassuit illoqarfinni assigiinngitsuneersut apersuisaqattaartarput filmi qaqugu nammineq illoqarfimminni takutinneqassanersut. Taammaammat filmimi ilitsersuisoq Malik Kleist nuannaarutigalugu oqaatigaa maanna aamma diskobugtimi takutinneqassasoq

Tallimanngorpamiit ataasinngorpamut Qaqqat Alanngui Aasianni takutinneqassooq. Taasumalu kingorna Qasigiannguanukassallutik Ilulissanullu. Juulli ukiortaallu akorngani aamma Qaqqat Alanngui Nuummi Katuami takutinneqaqqisooq.

- Nuannaarutigisorujussuuvarput inuit taamak filmiliatsinnut Qaqqat Alannguinut soqutiginnitsigimmata. Arlaleriarlutami takuagut inuit isiginnaariaqattaartut ataasiaannarnatik Malik Kleist oqarpoq.

Tumit Production neriuutigaa inuit isiginnaariartut 15.000 angujumaarai ukiormanna. 2012-imi filmi nunani allani filmfestivaalini assigiinngittuni annguttinniarsariniarparput taavalu Danmarkimi aamma takutinniarsariniarlugu, neriuutigaarput

- Kalaallit nunaanni illoqarfiit amerlanersai ornikkusukkaluarpagut kisianni angalanermi akitsuutit filmertitsinikkullu isertitat imminut nammaqatigiinissaat.