Landsholdinut peqataalersoq
Assammik arsartartut nukii tagiartortariaqalerpata Berit Duus sulisinneqartarpoq
Kalaallit assammik arsartartuisa fysioterapeutiat Berit Duus, danskit nunanut allanut arsartartuisa ilaasa akornannut aamma pisoq, marlunngornermi unnukkut Odense Idrætshalimi Danmark aamma Holland marlunngornermi unammimmata ulapeqaaq.
Unammineq Danmarkip unammisartuisa Brasiliamut aallannginnermini sungiusaatigalugu unamminerisa kingulliit tulleraat. Danmark decembari qaammat verdensmesterskabinut peqataasussaavoq.
Danskit nunanut allanut unammisartui sapaatit akunneri kingulliit ajoqqusernernik arlalinnik nalaataqarput, taamaammat isiginnaariat 2000't minnerunngitsumillu nuna tamakkerlugu sungiusaasoq Jan Pytlick anersaanngingajappoq, Danmarkip unammisartuisa saassussisartuisa pikkorinnersaasa ilaat unamminerup allartilaarnerani singernini annersillugu sivisoorsuarmik natermi innangaannarluni Berit Duusimit passunneqarmat. Line Jørgensen unammiffimmit kivillugu annippaat arsaqqinngitsoorlunilu.
Nunanut allanut unammisartunik sullissisut isumaqanngillat singernermik annerneq ima ingasatsigisoq Line Jørgensen Brasiliamut unammiartoqataasinnaanngitsoq.
Danmarkip arsarneq piffissap ilaannaa torrallataasoq 34-31'mik ajugaaffigaa, nikinnermi 17 - 15'inik siuaqqallutik.
Trine Troelsen danskini isertitsinerpaajuvoq aqqanilinnik isertitsigami.