Inussuttut Siumumi malunnaateqassapput
Benjamin Kielsen, Piitannguaq Møller aamma Kaalinnguaq Siegstad Siumup siulersuisuunerani inissipput
- Inussuttut siulersuisuunerni ilaasortatut qinigaanerat nuannaarutigaarput, Siumup Inussuttaasa siulittaasuat Kaalinnguaq Siegstad, tusagassiivinnut allappoq.
Kinguaariit tulliit pingajoqqat peqatiginagit Siumut ingerlariaqqissasoq ataatsimeersuarnermi naqissuserneqarpoq, pingajoqqat kinguaariinnut tunniussaat inuusukaarsuit arlallit tinguaat. Siulersuisuunerni inissittut Benjamin Kielsen, Akitsinnguaq Olsen, Piitannguaq Møller taavalu Kaalinnguaq Siegstad siulersueqatigalugit siulersuisuunerit ingerlaqqissasut, siulittaasoq ilisimatitsivoq-
- Qulaani taaneqareersut SIS-imi ilaasortaapput nittarsaaqataallutillu annerusumik minnerusumilluunniit. Kinguaariit tulliit nutarsaanissamut ilaasortaqarnerulernissamullu piumasaqartuupput, SIS-imi assigiinngiiakkaluaqaagut, ataatsimooruffigaluguli nunarput nukittunerusoq, Kaalinnguaq Siegstad tusagassiivinnut nalunaarpoq.
- SIS-imiit isumalluarpugut siunnersuutigut oqariartuutigulu ataatsimeersuarnermi tingulluarneqarmata. Nukittuumillu suleriaqqinnissatsinnut naatsersuutigaarput ilaasortagullu suleriaqqissalluta. Nunatta pisariaqartippaatigut malunnarneruniarpugut ilaasortaqarneruniarlutalu, nunatta siunissaraatigut suleqataassaagullu, SIS'ip siulittaasua oqarpoq.