Vejle Rejser namminersorlutik oqartussanut isumaqatigiissuteqarpoq

Vejle Rejserip Nuummi allaffiani kingumut namminersorlutik oqartussanik sullissiniarput, nunatsinni nunarsuarmilu tamarmik akunnittarfinnik, biilinik, ikaartaatinik timmisartumillu biltisinik tuniniaanermi. Isumaqatigiissut sisamanngornermi novembarip 17-ani atsiorneqarpoq.

Vejle Rejserimi pisortaaneq Ole Svendsen naapertorlugu namminersorlutik oqartussanik sullissinermi katillugit 70 million sinnerlugit kaaviaartissallugit.

- Qanorli pikkoritsiginersugut apeqqutaassaaq kiisalu namminersorlutik oqartussani immikkoortortat ataasiakkaat qanoq kiffartuussinnaanerlutigik, Ole Svendsen Sermitsiaq.AG-mut oqarpoq. Vejle Rejseip angalanissat tamaasa Grønlands Rejsebureu aamma Tupila Travel aveqatigisarpai.

- Ukiuni kingullerni marlunni namminersorlutik oqartussat kiffartuussimavagut. Taamaattumik pissanngatigilaarparut isumaqatigiissutip sivitsorneqarnissaa, Ole Svendsen oqarpoq nangillunilu namminersorlutik oqartussat sullinnerat Nuummi allaffimmut pitsaasuusoq.

- Pingasunik angalatitseqarneratigut unammillernq sakkkortuvoq. 1994-miilli Nuummi aallartikkattali anguniarsimavarput pitsaasumik kiffartuussinnissarput, ingerlallutigulu. Annertuunik ilisimasaqarpugut taamaalilluta sullitavut sullilluarsinnaallutigik. Taamaappugulluni, tuniniaavimmilu taamaalilluta inissisimaluarluta, Ole Svendsen oqarpoq nangillunilu qanoq pitsaatigisumik angusaqarnissamut Nuummi sulisut apeqqutaasut.

Ole Svendsen isumaqarpoq namminersorlutik oqartussanik isumaqatigiissuteqarneq kaaviiaartitatigut 70 million koruuninit annertunerusinnaalluartoq.

- Namminersorlutik oqartussani immikkoortortat ataasiakkaat namminneq aalajangertarpaat angalatitsivik sorneq atorusunnerlugu. Taamaattumik pikkorissuusariaqarpugut sullissilluarlutalu naalakkersuisoqarfiit ataasiakkaat sullinnissaa qulakkeerniarlugu, oqarpoq.

Ole Svendsen oqarpoq ilaatigut peqqissutsimut naalakkersuisoqarfik sullikkitsik.

Vejle Rejser ukiuni 17-ini Nuummi allaffeqartoq Nuummi tallimanik sulisoqarpoq. Marsimiilli pisortaavoq Jacob Bantz Vejlemeersoq. Taassuma naalakkani isumaqatigaa oqarmat kaaviiaartitsinerunissamut kiffartuussilluarnieq kisimi aqqutissaasoq.

Ole Svendsen isumaqarpoq Kalaallit Nunaanni allaffeqarneq pingaartuusoq.

- Angalanissanik tuniniaanitta annersaat inuutissarsiortuneersuuvoq, aammali Nuummi allaffeqarnikkut kalaallinillu sulisoqarnikkut inuinnaat angalaniartut aamma sullittarpavut. Taamaattumik Thailandimut allanullu soorlu Spaniamut, Tyrkiamut Grækenlandim ullu sulinngiffeqarluni angalanissanik tuniniaasarpugut, Ole SvendsenVejle Amts Folkebladimut oqarpoq.

Angalatitsivimmi pisortap nuannaarutigaa namminersorlutik oqartussanik isumaqatigiissuteqarsimaneq, nunarsumimi aningaasaqarnikkut ajornartorsiorneq peqqutigalugu inuutissarsiortunut sullissineq ajornakusoornerulersimavoq.

- Inuutissarsiortut angalanikinnerulersimapput, Danmarkimili angalatitsiviit annersaasa tallimaattut maalaarutissaqanngivippugut, Ole Svendsen oqarpoq.

Ukiumi naatsorsuusiorfiusumi kingullermi Vejle Rejser 460 millon koruuninik kaaviiaartitsivoq, Vejle Amts Folkeblad allappoq.