Inuusuttuaqqani NÛK marloriarluni ajugaavoq
Arfininngornermi assammik arsarnermi illoqarfimmi pissartanngorniunneq ingerlanneqarmat NÛK niviarsiarartai aamma nukappiarartai ajugaapput
Nuummi assammik arsarnermi illoqarfimmi pissartanngorniunnerit aallartivissortutut oqaatigineqarsinnaapput. Pingasunngornermi inersimasut unammipput - arfininngornermilu inuusuttuaqqat U/16 pissartanngorniunnerat aallartipput.
Nuummi inuusuttuaqqat assammik arsartartuini GSS ukiuni arlalinni pitsaanerusarsimavoq. Maannakkulli NÛK aamma nuannernersumik inissisimarusulersimavoq. Arfininngornermi U/16 nukappiarartai unammimmata NÛK 28-27-mik GSS'imut ajugaapput. NÛK niviarsiarartai aamma ajugaapput - timersoqatigiiffimmut arfininngorneq pitsak - U/16 niviarsiaqqat 26-18-imik GSS'imut ajugaammata.
Sapaammi illoqarfimmi pissartanngorniunneq nangeqqissaaq. Tamatumuuna meeqqat unammissapput. Sapaatiummat kingullermik unamminerit ingerlanneqartussaagaluarput, taamanili Nuummi silarluppallaarnera pissutigalugu taamaatiinnarneqarlutik. Unamminerit sapaammi Inussivimmi nal. 12 aallartissapput.