Danmarkimi palasit ataatsimik ilapput
Kalaallit Danmarkimi najugallit ilageeqarnikkut pitsaanerusumik sullinneqalissapput
Qallunaat Nunaanni kalaallinut palasi Danmarkimi Ilageeqarnermut ministeri Manu Sareen, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisumut nalunaarpoq ilagiit aningaasaqarnerat pillugu inatsisip allanngortinneqarnissaa pillugu upernaaru siunnersuuteqassalluni, ataatsimut aningaasaateqarfimmit palasitut atorfiit tamakkiisumik aningaasalersorneqarsinnaanerannik nassataqartumik.
Tamanna Namminersorlutik Oqartussat nittartagaanni atuarneqarsinnaavoq.
Danmarkimi palasip kalaaliusup Jens Kristian Kleist, kalaallinik Danmarkimi najugalinnik ilageeqarnikkut sullissineq isumagisarpaa.
Palasip kalaaliusup inuit piumassuserinngisaminnik Danmarkimiittut salliutillugit sullitarai.
Danmarkimi palasip kalaaliusup aamma inunnik piumassutsiminnik Danmarkimiittunik sullissilernissaanut periarfissat pillugit sivisuumik eqqartuisoqarsimavoq.
Sulissinerup pitsanngornissaanut periarfissaqarluarpoq kalaallimik palasimik allamik ataatsimik atorfinitsitsinikkut.
Naalakkersuisunut ilaasortap Mimi Karlsenip kalaallit Danmarkimi najugallit ilageeqarnikkut sullinneqarnerat pillugu 2010-mi aasaqqaalernerani siusinnerusukkut taamani Ilageeqarnermut ministeriusoq Birthe Rønn Hornbech ataatsimeeqatigaa, taamani ataatsimiinneq danskit naalagaaffiannik oqaloqateqalernermut aallarniutaavoq.
Manu Sareen meddelte tidligere på ugen Mimi Karlsen, at han i foråret 2012 fremsætter et forslag til lov om ændring af lov om folkekirkens økonomi, som indebærer, at fællesfonden i et vist omfang kan foretage fuld finansiering af præstestillinger. Danmarkimi Ilageeqarnermut ministeri Manu Sareen 15. november 2011-mi
Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisumut nalunaarpoq ilagiit aningaasaqarnerat pillugu inatsisip allanngortinneqarnissaa pillugu 2012-imi upernaakkut siunnersuuteqassalluni, ataatsimut aningaasaateqarfimmit palasitut atorfiit tamakkiisumik aningaasalersorneqarsinnaanerannik nassataqartumik.
Ilageeqarnermut ministeri ilisimatitsivoq tamatuma kingunerissagaa ilagiit ataatsimut aningaasaateqarfiannut missingersuutit atorlugit ilassutitut aningaasaliissuteqarnikkut Danmarkimi kalaallinut palasitut atorfimmut aningaasalersuisoqarsinnaanissaa.
Ilageeqarnermut ministerip Manu Sareenip siunnersuutaa, Danmarkimi palasip kalaaliusup saniatigut palasimik kalaaliusumik allamik danskit naalagaaffiannit aningaasalersorneqartumik atorfinitsitsisoqarsinnaaneranik kinguneqartoq Naalakkersuisunut ilaasortap Mimi Karlsenip nuannaarutigaa.