Folketingimi issittoq soqutigineqanngilaq
Issittumi siunnerfik pillugu udenrigsministeri ullumi saqqummiussimmat folketingimi ilaasortat tusarnaartut amerlanngillat
Folketingimi ilaasortat issittumi pissutsinut soqutiginninngillat. Ullumi folketingip ataatsimiittarfiani oqallittoqarmat tamanna erseqqeqaaq.
Folketingimi nassuiaatit pingasut ullumi oqallisigineqarput Nunani avannarlerni suleqatigiinneq, Østersørådip suleqatigiinnera aamma Issittumi suleqatigiinneq.
Folketingimi ilaasortat aqqanillit aamma udenrigsministeri Villy Søvndal kiisalu Nunani Avannarlerni Isumasioqatigiinni præsidenti Berthel Haarder inersuarmi kisimiiipput.
Kalaallit folketingimut ilaasortaatitaat Sara Olsvig, IA aamma Doris Jakobsen, Siumut iniminni issiapput oqallinnermi peqataallutik oqaaseqaatiminnillu saqqummiussillutik.
Partiit Kalaallit Nunaat pillugu aamma avannarlerni suleqatigiinneq pillugu oqaaseqartartut oqallinnermi peqataapput.