Nunatta saqqummersitai ornigarneqarluartut
Grønlandske frimærker trak opmærksomhed, da 150.000 sydkinesere besøgte international frimærkemesse
Post Greenland aappassaanik Kinami frimærkinik saqqummersitsinermi peqataavoq.
Tamanna pivoq Wuxi-mi ulluni novemberip 11-aniit 15-iata tungaanut ”CHINA 2011”-mut atasumik. Wuxi Kina-p kujasissuaniippoq nunap ilaani Jiangsu-mi, Shanghai-p avannamut kiterpasissuani 125 km-it missaannik ungasitsigisumiillu 4,5 millionillu sinnerlugit innuttaqarluni
Post Greenlandip takutitsivia piffissaq takutitsiffiusoq tamakkerlugu takusarneqaqaaq. Tunisat aammattaaq naammaginarput, tamannalu pisumik nalliuttorsiorpalaartitsineruliinnarpoq. Post Greenland taamaalilluni kiniserinut Kina-p kujasissuaneersorpassuarnut attavissarsivoq; katersisartunut Post Greenland siunissami pitsaanerpaamik sullinnissaannik qilanaarileriigaanut.
China 2011 ukiut tamaasa ingerlanneqartartup nunat asiamiittut tamalaat frimærkinik saqqummersitsisarnerisa 27-ssaraat. Saqqummersitsinermut katersisartut piserusoqisut, allakkeriveqarfiit aammalu nunarsuarmit tamarmit frimærkinik nioqqutillit takkussuupput. China 2011-mi pisiniartut amerlanersaat soorunami kiniseriupput nunarsuup sinnerani nunanit ”allamiorpasissunit” frimærkilianik pisiniarrattuullutik
China 2011 ingerlanneqarpoq saqqummersitsivissuarmi tupinnaannartumi ”Wuxi Taihu International Expo Centre”-mi.
Ammarnissaa akunnialunnik sioqqullugu kinisererpassuit tusindtillit erinisoqisut qungujulaqisullu bilitsisiniarlutik tunuleriiaarsimapput.
Ullut saqqummersitsiffiusut tallimat taakku ingerlaneranni alakkarterisut 150.000 –init amerlanerisut saqqummersitsivippassuit alakkarpaat . Taamaammat China 2011 aaqqissuussisut aammalu Post Greenlandip neriuutigisaatut taamaattussaasorinninnerattullu ussagarfiusimaqisoq oqaatigineqarluarsinnaavoq.