Tele'p angajoqqaarsiat peqatigiiffiat taperserpaa

TELE-POST-ip aamma IT-mik pilersuisup Steria-p ullumikkut 17. november 2011 qarasaasiat atornikut aammalu checkit marluk 10.000 aamma 17.000 kroninik aningaasartallit Nuummi Angajoqqaarsiaasartut Peqatigiiffiannut tunnissuteqaatigai.

TELE-POST-ip Nuummi videokonference-mut atortua aqqutigalugu tunissuteqarneq ingerlanneqarpoq.

- Innuttut akisussaaqataaneq suliffeqarfitta anguniagaanut ilaavoq, Peter N. Østerbye, Steriami pisortaaneq oqarpoq. Steriap Tele Greenland aamma Post Greenland IT 'mik atortorissaarutinik pilersugaraa.

- Tamanna ersersinneqarnerusarpoq meeqqat ulluinnarni inuunerannut pitsaasumik iliuuseqarusunnitsigut. Nuummi Angajoqqaarsiaasartut Peqatigiiffiat suliaqareerpoq annertuumik nalilimmik, aammalu uagut Kalaallit Nunaanni suliamut aalajangersimalluinnartumut it-mut, ilinniarnermut ilinniartitaanermullu sammiveqartunut peqataasinnaagatta, tunissuteqarnitsigut uagut it-mik pilersuisutut piginnaasagut kattutsissinnaanngorpagut meeqqat pinnguarnikkut ilinniarnikkullu sakkussaqartilernissaannik kissaateqarnitsinnut”, Peter N. Østerbye, Steria-mi pisortaaneq oqarpoq.

Tunissuteqarneq Tele-Postimut suliffeqarfiup inuiaqatigiinni akisussaaqataanermut politikkianut aammattaaq ilaavoq.

- Tele-Post'ip inuiaqatigiinni akisussaaqataaneq pillugu pingaartitaasa ilagaat inuiaqatigiinni ilisimasaqarnerulernissap aammalu IT-mik piginnaasaqarnerup nukittorsarneqarnissaa, Anders Barslund, Tele-Post'imi Tele-direktøri oqarpoq.

- Tamanna ullumikkut pivoq videokonference aqqutigalugu Nuummi Angajoqqaarsiaasartut Peqatigiiffiannut tunissuteqarnikkut. Tamanna assersuutissatsialaavoq Tele-Postip inuiaqatigiinni akisussaaqataanerata Kalaallit Nunaata Nunarsuup Qeqqani-mik anguniagaqarneranut qanoq inissisimaneranut. Nunarsuaq Kalaallit Nunaannut inissipparput Kalaallillu Nunaat nunarsuarmut inissillugu,” Anders Barslund Tele-Post'imi Tele'mut pisortaq oqarpoq.

- Tunissut meeqqanut ulorianartorsiortunut iluaqutaassaaq, peqatigiiffimmullu ikiuunnermini tunissutinik isumalluuteqartumut assorsuaq pingaaruteqarpoq, soorlu maanna Tele-Post'imit aamma Steria-mit tunissutigineqartutut”, taama oqarpoq Angajoqqaarsiaasartut Peqatigiiffianni allatsi Birthe Abelsen.