“Aqqalu” aggustimi takuteqqaarneqassaaq

“Aqqalu” taamaallaat Nuummi pisuusaartinneqartoq ammip qalipaataanik immikkoortitsinermik, asanninnermik inuiaqatigiinnilu kalaallini kinguaariit avissaarsimanerannik pinerlunnermillu imaqarpoq.

Pingaarnertut inuttaasup filmillu taaguutaasut ateqartinneqartup nuannaartorisaa angajua tigusarineqarpoq sivisujaamillu parnaarunneqarluni.Ikinngutaasa naatsorsuutigaat Aqqalup angajumi siuttuunera kingornutissagaa, tamannali ilimagisaanit ajornakusoorneraaq.

Angumminut namminersornerullutik oqartussaqaqqaalernerani suleqataalluarsimasumut attaveqarnera ajornakusoorpoq, niviarsiarlu Kamilla soqutigilerpaa. Aamma taana inuunermini ajornartorsiorpoq, peerariinnerallu misilerarneqarpoq. Ingammik Aqqalup Kinamiit nunasisunut aaqqiagiinngissuteqalernerata kingorna.

Filmi aningaasartaqanngitsoq
”Aqqalu” 'aningaasartaqanngitsutut' filmiliaavoq, tassalu aningaasat ikittuinnaat 'sumiiffinni taakkunani' filmiliarineqarluni, tassalu Kalaallit Nunaanni illoqarfiit pingaarnersaanni eqqaanilu immiussaalluni. Immiussinerit januaarimi 2010-mi immiunneqalerput aappaagulu maajimi naammasisussaallutik.

Filmi Kristian Nygårdip ilitsersuisutut najoqqutassiisutullu suliareqqaagaraa. 2008-mili Nuummi najugaqarsimavoq siusinnerusukkullu aviisinut atuagassianullu arlalinnik allaaserisaqartarsimalluni. Peqataasut tamarmik inuutissarsiutigalugu isiginnaartitsisartuunngillat tamarmillu akissarsiaqarnatik peqataallutik.

Dines Hammeken pingaarnerut inuttaavoq ingaaarnertut arnatut Kamillatut inuttaalluni Rena Christensen. Marluullutik Nuummiuupput neriuutigaallu filmimi inuttaanertik siunissami allanut suliassanut aqqutaasinnaassasoq.

Anarqist Films “Aqqalumik” filimiliorput, naatsorsuutigaallu filmi aggustimi takuteqqaarneqassasoq, tamanut nalunaarummi allassimavoq.

Traileri takuuk uani.