Assammik arsarnermi illoqarfimmi pissartanngorniunneq
Nuummi unammiuaarnerit pingasut. Siulleq ullumi aallartissaq - meeqqat unammiuaarnerat. Inersimasut pingasunngorpat inuusuttuaqqat tulliani sapaatip akunnerata naanerani
Sapaatip akunnerata naanera una illup iluaniinnissaq kajuminnarneroqaaq. Nuummi Inussiviliarluni siunissami assammik arsartartorsuanngortussanik isiginnaariaannaraanni. Meeqqat illoqarfimmi pissartanngorniunnerat ullumi aallartippoq.
Unamminissat siullersaat nal. 12.00 aallartissaaq. Illoqarfimmi pissartanngorniunnermi GSS aamma NÛK imminnut unammissapput. Ualimut arsassapput: Miniput, Niviarsiaqqat Lilleput, Nukappiaqqat Lilleput aamma Niviarsiaqqat Puslingit.
Pingasunngornermi Faxe Kondi Inersimasut pissartanngorniunnerat. Nuummi Illorsuarmi Timersortarfimmi unamminerit pingasut ingerlanneqassapput. Nal. 18.00 angutit inersimasut GSS 1 aamma NÛK 1 unammissapput. Nal. 19.30 arnani GSS aamma NÛK naapissapput, kiisalu nal. 21.00 inersimasuni GSS 2 aamma NÛK 2 naapissallutik.
Arfininngornermi novembarip 19'ianni inuusuttut arsassapput. Unamminerit taakku Inussivimmi ingerlanneqassapput, angutit inuusuttuaqqat U/16 aamma arnat inuusuttuaqqat U/16 kiisalu angutini U/19 unammissallutik.