Milik atuakkiortunik sisamanik saqqumilaartitsivoq
Lene Therkildsenip atuakkiortut sisamat Københavnimi atuakkanik saqqummersitsinermi peqataatippai, taakku atuakkiaminnik tuniniaajutigalutik atsiortarput
Annonse
Atuagaq atsiornertalik juullimut tunissutissaqqissuuvoq. Taama Københavnimiut amerlasoorpassuit isumaqarput, tamakkumi ukiut tamaasa atuakkanik saqqumilaartitsinermut takkuttarput.
Taamaattumik atuakkanik saqqummersitsisarfik Milik, Lene Therkilsenimit pigineqartoq atuakkiortut sisamat tassannga saqqummersitsisimasut Forum'imut aggersarpai sapaatip akunnerata naanerani atuakkanik atsiortitsiniassammata.
Tallimanngormat Helene Thiesenip atuakkiani "For flid og god opførsel" atsiortarpaa.
Arfininngornermi Carsten Egevang atuakkiani assilisanik imalik "Grønland - dyrenes og menneskenes land" aammalu Hans Jakob Helms "Hvis du fløjter efter nordlyset" atsiortarlugit.
Sapaammi Bolatta Silis Høegh meeqqanut atuakkiani" Aima" atsiortarpaa.