Nuummi anorersuaq

Angallatit marluk umiarsualivimmi pitussimasut pituutaarput. Nuummi Qatserisartut aappaa annappaat

Her endte en del af yderbeklædningen fra blok 17 i Nuuk. Både tagplader og yderbeklædning rev sig løs og fløj gennem luften. Nuumi Blok T qaliata qaleruai silaannakkoortut. Borgmesterip Anniitap Aqqusernga, Qinngoutsinnut aqqutaani qulliup napparutaa aamma anorimit uppisinneqarpoq. Nuummi Qatserisartut iliuuseqapallattariaqarput baylineri aseruatitissanngimmat.. Angallat pisoqasaaq sungaartoq umiarsualivimmi pituussaarluni Nuummi amutsivimmi anaallussaattoq. Qisummik sanaartorlugu aallartitaq anori 42,8 m/s sukkassusilimmit uppisinneqarpoq.

netredaktion (netredaktion@sermitsiaq.ag)

sapaat 13. nov 2011 13:13

Annonse

Arfininngornerup sapaatillu unnuaani nal. 3.30 miss. kujasimmik anorersuaq Nuummut pitaruppoq. Anorip sukkassusaa 17,7 m/s tassanngaannaq 37,5 m/s'inngoriasaarpoq.

Anorersuup tikiunnerata ilaatigut nassataraa Blok 17'ip silataani iikkamut assiutit katagaallutik silaannakkoornerannik.

Aamma Blok T'p qaliata ilaa tingippoq blokkip eqqaanut nunamut tulluni. Tupinnaannartumik biilit blokkip eqqaani uningasut ataasinnguarluunniit eqqorneqanngilaq.

Umiarsualiviup imartaani pitutsivinnit angallatit marluk pituutaarput. Aappaa baylineri angisooq kangerluup iluani umiatsiaaqqat pitoqqasarfiata iluanut tipivoq baylinerilu - Nuummi Qatserisartut suliniapallannerisigut eqqarsaatigilluakkamillu iliuuseqarnerisigut pitunneqarluni - ajoqquserani. Angallatip aappaa, angallassissut pisoqalisoq sungaartoq, amutsiviup talittarfianut kallussaattoq qanoq iliuuseqarfigineqarsinnaanngilaq.

Borgmesterip Anniitap Aqquserngani, Qinngutsinnut aqqutaani qulliup napparutaa ataaseq uppippoq.

Qinngutsinni kommunip meeqqanut meeraaqqanullu paaqqinnittarfissaa qisuusoq sanallugu aallartitaq, aamma anorersuarmit uppisinneqarpoq.