Kalaallit Nunaat qitiutillugu
Atuakkanik naqiterisitsisarfik Atuagkat ukiut 19-issaat Bogmesse peqataaffigaa
"Kalaallit Nunaat qitiutillugu" Atuagkat ukioq manna Københavnimi atuakkanik ussassaarinermi Forum'imi pisumi qulequtaraa.
- Atuakkanik saqqummersitsinermi tuniniaavimmik 18 kvm. attartorneq 30.000 koruuneqarpoq. Nalunngilara saqqummersitsinermit tunisanit aningaasartuutit matussusersinnaanagit pingaaruteqarporli Kalaallit Nunaata saqqumilaartinneqarnissaa, Inger Hauge oqarpoq ukiut 19'issaannik messemi peqataasarsimasoq.
Atuakkiortoq Ole Korneliusseq sapaammi atuakkiani nutaaq oqaluttuaqqanik naatsunik imalik "En spytklat på kinden" Atuagkat tuniniaavianni atsiortinneqartassaaq.