Palle Issittumi ilisimatusarnerup ulluani
Ukiumortumik Issittumi Ilisimatusarnermut ullortinneqartoq naalakkersuinikkut sammivimmut allamut sangoriataarpoq, "Issittoq nunarsuarmioqatigiinni" 2011-miit 2020-mut Danmarkimi Kunngeqarfiup Issittumut periusissiaq qulequtarineqarmat
"Issittumi soqutigisat" qulequtaralugit ilisimatusarnermut naalakkersuisoq Palle Christiansen oqalugiaqqaartuuvoq, periusissiarlu nunatta isaanniit isigalugu eqqarsaatersorfigalugu. Oqaaseqartut tulleraat qallunaat nunanut allanut ministereqarfiani Europap avannaanut, Kalaallit Nunaannut Issittumullu pisortap tullia Christen Krogh kiisalu Canadap aallartitaqarfianiit Political Counsellor Kim Girtel Issittumi allanngortortumi Canadap periarfissai pillugit oqaaseqarluni. Taama allappoq ilinniartitaanermut ilisimatusarnermullu naalakkersuisoqarfik.
- Taamatut danskit issittorsiutaanut Kalaallit Nunaata isiginnittaasianut periarfissiineq naleqartupilussuuvoq, Naallakkersuisoq Palle Christiansen oqarpoq, ilaatigullu eqqaallugu ilisimatusarnermit inerniliussat kalaallinut ingerlateqqittarnissaat.
- Taamatut naapisimaarnermi periarfissaqarluarpoq paasissaIlugu ilisimatusartut akisussaaqataammata ilisimatusakkamik inerneriumagaat inuinnarnut apuunnissaat, taamaaliornikkut Kalallit Nunaata ilisimalikkat tamakku inuiaqatigiit ineriartortinneqarnerinut atorsinnaaniassammassuk, Palle Christiansen nangippoq, kisianni aamma Kalallit Nunaanni ilisimatusarnerat ilisimatusarnermut mikinerusunut sunniuteqassammata.
Issittup Ulluani aamma Ilisimatusarfimmi suliniutit pillugit oqalugiartoqarpoq issittumi ilisimatsarnerit pillugit Ph.d-mik ilinniagaqartunit. Issittumi Ilisimatusartut Ulluat ukiut tamaasa uterneqartartoq, Forskning og Innovationsstyrelsimit Københavnimit aaqqissuunneqartarpoq.