Jakob Larsen nutaamik atuuffeqalerpoq
Jakob Larsen attartorneqarluni HC Odensemi arnani ikiuisuussaaq
HC Fynimi sunigusaasuuneq Jakob Larsen pingasunngormat unnukkut Team Esbjergip HC Odensellu unammineranni HC Odensemit attartorneqarpoq HC Odensemi sungiusaasiuunermut Ditte Andersen ikortitut.
HC Odensep sapaatip akunnerani kungullermi qulingiluariarlutik ajorsarnermik kingorna sungiusaanertik soraarsippaa, Ditte Andersenilu ikiortimit sungiusaaninngorluni.
Unnuk taanna unamminissami arlaannaataluunniit naatsorsuutigisimanngilaa Fynip pointinnannissaa. Inissisimaffimmi Team Esbjerg normu 4-soq ajugaasussatut ilimagineqarpoq.
Odensemili unamisut issiasullu allamik siunertaqarput. Patajaatsumik unamminissaminnik. Systemit ilisimariikkat atorneqartussaapput. Naammagittartariaqarput minnerunngitsumillu ajugaanissamut piumassuseqarluartussaallutik, naak ajugaanissaat ilimagineqanngikkaluartoq, dommerilu unammineq naatillugu siggarmat HC Odensemut 23-21-mik allassimavoq. Danmarkimi pissartanngorsimasutut nuannaartigaat uppererpiarnagulu. Unamminerit qulingiluat ajorsarfigisimavaat qulissaallu kiisami iluatsippaat.
- Taamatut angusaqartarneq assammik arsarnermik nuannarinnilersitsisarpoq, unamminerup kingorna Jakob Larsen sermitsiaq.AG-mut oqarpoq.
- Ikiuussinnaalluni nuanneqaaq minnerunngitsumik taamatut angusaqarsinnaalluni.