Puisiminermik nassiusseqqilaaritsi
Puisimerngit Kalaallit Nunaanneersut kiisami Aalborg-imi iganeqarsinnaanngorput
Ukiup affaani puisiminermik suaasaliorsinnaanngereerlutik kalaallit Aalborg-imi Jylland-illu avannaani najugallit piffissami sivikitsumi Maniitsumi Arctic Greenfood-imiit puisiminernik nutaanik pisisinnaanngoqqipput.
Aalborg-imi kalaallit illuutaat puisiminernik 256 kilonik nassinneqaqqammerpoq. Ukiup affaani kingullermi nassiussisoqarneq ajormat puisiminersisoqarsinnaasimanngilaq:
- Taakkua marloriaataat pingasoriaataalluunniit tunisinnaangaluarpagut, Jonathan Johnsen, Aalborg-imi kalaallit illuutaanniit nalunaarpoq.
Maannakkut nassiunneqartut sapaatip akunnerisa marluk pingasulluunniit ingerlaneranni tunisinnaassallugit, taassuma naatsorsuutigaa.
- Ullut tamaasa kalaaleqatigut sianertarput puisiminiuteqarnersugut aperalutik, kisianni oqarfigiinnartariaqartarpagut "suli naamik Immaqa....??"
Kalaallit savaasa neqaat Aalborg-imut nassiunneqaraluartoq, "pissutsinik ilisimasaqarani EU-mi allaffissorneq" pissutigalugu, Kalaallit Nunaanni nersutit nakorsaannit ungasinngitsukkut unitsinneqarpoq, Aalborg-imiit nalunaarput.