Unnummut tupinnaannartumut qujanaq
Meeqqat Inuunerissut - Bedre Børneliv arfininngormat katersisitsineq ’Kuseriarnerup siaruarneratut' ingerlammassuk tapersersorneqarnertik nuannaajallaatigeqaat
- Unnuk tupinnaannarpoq – oqaluttuarineqarsinnaanngitsoq – arlaannattaluunniit millionit sinnernissaat naatsorsuutigisimanngilaat. Tamatta qamannga qujamasulluinnarpugut. Kalaallit Nunaanni tamatta ataatsimoorluta meeqqanik kinguaassiuutitigut atornerluisarnerup akiornissaa ataatsimoorfigaarput, kalerriut tamanna Kalaallit Nunaata tamarmiusup tulluusimaarutigisariaqarpaa, Line Frederiksen, Meeqqat Inuunerissut - Bedre Børneliv (MIBB) tusagassiivinnut allappoq.
Hun mener, at indsamlingen af 1.050.000 kroner ikke kunne blive til noget uden sponsorernes og samarbejdspartnernes hjælp. Taanna isumaqarpoq 1.050.00 kr.-it katersorneqarsinnaasimassanngitsut aningaasaliisut suleqatillu ikiuutinngikkaluarpata.
- Suleqatigisagut tunissuteqartullu peqataasimanngikkaluarpata ilutsisimasinnaanngikkaluarpoq. Suleqatigisagut saqqummernissaminnut tunuarsimaanngillat, soorlu aamma siorna Nuna Børn aliikkusersuititsineranut tunuarsimaanngitsut, aningaasaliisuusut aperigaangatsigit akuttusuuginnarmik itigartinneqartarpugut. Suliffeqarfiit ersarissumik akisussaaffimmik tigusipput – aamma isummersimapput, Line Frederiksen nassuiaavoq.
Katersuiniarneq KNR, Nuuk TV, Arctic TV, Katuaq, Grønlandsbanken, Deloitte, TELE-POST aamma Air Greenland suleqatigalugit aaqqissuunneqarpoq.
Katersuiniarneq ingerlaqqippoq
Tallimanngorneq 25. november tikillugu katersineq ingerlassaq, nuna tamakkerlugu katersuiniarnermut kontomut: 6471-2222229-mut akileraatutitaqanngitsumik ikineqarsinnaapput.
Grønlandsbanken-ip aamma Bank Nordik-ip aningaasat nuunneqarneranni akileraarut tunissutigaa aammalu Pilersuisup nunaqarfinniit tunissuteqartut tunissutaasa fax-ikkut nassiunnissaat tunissutigaa. Siulersuit Katersuiniarneq 2011-miit naatsorsuutit misissoqqissaarneqarsimasut decemberimi saqqummiunnissaat neriuutigaat.
- Katersuiniarneq 2011-miit naatsorsuutit misissoqqissaarneqarsimasut qilanaaraagut. Ersarissumik saqqummerpata Kalaallit Nunaanni innuttaasut tatiginninnermik takutsitsinerat pimoorullugu suliarilissavarput. Maannakkorpiaq, suleqatigisatta aamma aningaasaliisut mibb.gl-ikkut aamma Facebook-ikkut saqqumitinneqarnissaat isumagissavarput. Suli qujaqqilluta, Line Frederiksen naggasiivoq.
Aningaasat katersorneqarsimasut tamarmik suliniummut Kuseriarnerit siaruarneratut-mut aamma containerit immikkut allanngortiterneqarnerannut aammalu suliniutip aallanisarneranut atorneqassapput. Kuseriarnerit siaruarneratut ukiup tulliani majimi aallarnerneqarnissaa MIBB’p pilersaarutigaa, piffissarlu tamanna tikillugu siulersuisut aningaasaliisussarsiorneq, suliniummi suleqataasussanik atorfinitsitsineq, allaffeqarnerup eqqanaarneqarnissaa il.il. suliarissavaat.