Nukâka & Kassaaluk Skuespilhusimi
Det Kongelige Teaterimi ulluni tullerni pingasuni ”Plus Minus Nul” takutinneqassaaq isiginnaagassiami ilaatigut peqataapput Nukâka Coster-Waldau aamma Kassaaluk Qaavigaq
Christoph Marthalersip isiginnaartitsissusiaa ”Plus Minus Nul” maanna københavnimiunit takutinneqalerpoq. Nuummi aamma Parisimi isiginnaartitsissut nersualaarneqartoq takutinneqareermat København maanna tullinnguuppoq. Isiginnaartitsisarfik Skuespilhuset unnummut nal. 20 isiginnaartitsiffigineqassaaq.
”Plus Minus Nul” isiginnaarlugu misinnarpoq qajannaatsup imerpalasullu akornanniilluni, nunap qaavani imaluunniit sikup saatsup akornanniilluni. Kalaallit Nunaanni taama misigisarneq takornartaanngilaq, pinngortitap nukissui inuillu avinngarusimallutik ikittunnguullutik inuunerat ulluinnarsiutaapput plusip aamma minusip nikingassutaat inuit inuunerannik kinguneqarsinnaallutik. Qanorli naleqqussartoqartarpa tunngavik aatsillugu?
Suna najoqqutarineqassava politikki aamma nunap nammineq pissusaa allanngoriartortillugu? Christoph Marthaler upernaakkut 2011 Kalaallit Nunaannukarpoq nammineq timimigut ”Plus Minus Nul” misigerusullugu. Anna Viebrock peqatigalugu aammalu isiginnaartitsisartut sulisorisartakkani ilagalugit Qaanaami, Nuummi Uummannamilu eqqumiitsuliortut peqatigalugu nunarsuarmi qeqertat annersaanni isiginnaagassiorpoq.
Isiginnaagassiaq tyskit, franskit, tuluit aamma kalaallit oqaasii atorlugit saqqummersinneqarpoq danskit oqaasiinik allagartalersugaq.